پلەکانی گەرما بەشێوەیەکی بەرچاو نزم دەبنەوە و خۆڵبارین دەستپێدەکات

نهانیوز-هەواڵەکان

کەشناسی هەرێم کەشی پێشبینیکراوی 48 کاتژمێری داهاتووی بڵاوکردەوە ولە ماوەی ئەم دوو رۆژە پلەکانی گەرما بەشێوەیەکی بەرجاو نزم دەبنەوە و خێرایی با چالاک دەبێت و ئەگەری دروستبوونی تۆز و خۆڵ هەیە.

بە پێی پێشبینییەکانی کەشناسی هەرێم ئەمڕۆ دووشەممە کەشی ئاسمان  ساماڵ و پەڵە هەور  دەبێت و لەناوچە شاخاووییەکان نیمچە هەور دەبێت لەگەڵ بوونی تۆزێکی سووک وە لەکاتەکانی دوایی نیوەرۆ ئەگەری چالاک بوونی خێرایی با هەیە تاکو کاتەکانی ئێوارە .  
ئاماژە بەوەشکردووە کە خێرای با / مامناوەند دەبێت  ( 15 – 25 )کم/ک . لەکاتەکانی دوایی نیوەڕۆ چالاک دەبێت بۆ سەروی 30 کم /ک لەزۆربەی ناوچەکانی هەرێم, بۆ کاتەکانی ئێوارە ئاسایی دەبێتەوە.

کەشناسی راشیگەیاندووە کە " پلەکانی گەرما بەگشتی نزم دەبێتەوە وە  لەناوچە شاخاووییەکان  زیاتر دادەبەزن بە (4-5 ) پلە  لە تۆمارکراوەکانی دوێنێ وەک لە وێنەکەدا ئاماژەی پێکراوە." 

ئاشکراشی دەکات کە سبەی سێ شەممە کەشی ئاسمان ساماڵ و پەلە هەور دەبێت   لەگەڵ بەرزبوونەوەی تۆز و خۆڵ  لەکاتەکانی بەیانی زوو لەزۆربەی ناوچەکان پاشان بۆ کاتەکانی نیوەڕۆ کاریگەری لاواز دەبیت و پلەکانی گەرما نزم دەبێتەوە بە (1 – 3 ) پلە  بەراوورد بە  تۆمارکراوەکانی ئەمرۆ وەک لەخوارەوە ئاماژەی پێکراوە.

هەولێر :  38 پلەی سیلیزی 

سلێمانی : 35 پلەی سیلیزی

دهۆک :  36  پلەی سیلیزی

کەرکوک : 38 پلەی سیلیزی  

زاخۆ  :  37 پلەی سیلیزی

هەڵەبجە :35 پلەی سیلیزی

سۆران :  35 پلەی سیلیزی

حاجی ئۆمەران : 27 پلەی سیلیزی

گەرمیان :39 پلەی سیلیزی