ئەنجومەنی نوێنەرانی عیراق دانیشتنی نائاسایی ئەنجام دەدات

نهانیوز-هەواڵەکان

ئەنجومەنی نوێنەرانی عیراق لەسەر جەنگی نێوان ئیسرائیل و ئێران دانیشتنێکی نائاسایی ئەنجام دەدات.

بەپێی راگەیەندراوێکی نوسینگەی راگەیاندنی ئەنجومەنی نوێنەرانی عیراق کە تایبەت بۆ نهانیۆز نێردراوە ،دانیشتنەکە تایبەت دەبێت بە" هێرشی ئیسرائیل بۆ سەر کۆماری ئیسلامی ئێران و بەزاندنی ئاسمانی عیراق لەلایەن ئەو وڵاتەوە".

 هەر بەپێی راگەیەندراوەکە:" دانیشتنەکە نائاسایی دەبێت و رۆژی سێشەممە 17ی6ی2025 بەڕێوەدەچێت".

لە بەرەبەیانی رۆژی هەینیی رابردووەوە هێرشی ئێران و ئیسرائیل دەستیپێکردووە و هەردوولا چەندین جار بە بەکارهێنانی مووشەک بۆردومانی لایەنی بەرامبەریان کردووە و تاوەکو ئێستاش لە هێرشەکانیان بەردەوامن.