نهانیوز-هەواڵەکان
ئەندامێکی فراکسیۆنی یەکێتی ئاشکرای دەکات، بریارە سەرۆکی یەکێتیی بۆ چارەسەری کێشەی مووچەی موووچە خۆرانی هەرێمی کۆردستان سەردانی بەغدا بکات و دەشڵیت "نابێت گەلەکەمان باجی وتەی چەند سەرکردەیەک بدات".
سەباح شێخ حەبیب ئەندامی ئەنجومەنی نوێنەرانی عیراق بە میدیای یەکێتیی راگەیاند:" یەکێتیی نیشتمانیی کوردستان لەسەر ئاستی باڵا لەهەوڵی چارەسەرکردنی کێشەی مووچەیە لەنێوان هەولێر و بەغدا، بۆ ئەو مەبەستەش بڕیارە بافڵ جەلال تاڵەبانی سەرۆکی یەکێتیی نیشتمانیی کوردستان سەردانی بەغدا بکات و لەگەڵ لایەنە عیراقییەکان کۆببێتەوە.
هەروەها دەشڵێت " ئێمەش وەک فراکسیۆنی یەکێتی لەگەڵ ئەوەی پەرلەمان لەپشوودایە، بەڵام داوامان کردووە کۆبوونەوەی نائاسایی بۆ رێگریکردن لەبڕینی قوتی مووچەخۆرانی هەرێم ئەنجام بدرێت".
ئەو ئەندام پەرلەمان ئاماژە بەوەدەکات، ئێمە گفتوگۆ و لێکتێگەیشتن لە نێوان هەرێم و بەغدا بە کلیلی چارەسەر دەزانین و بە بەغدا دەڵێین ئێوە دوژمنمان نین و گوێ لە چەند سەرکردەیەک مەگرن، چونکە نابێت گەلەکەمان باجی وتەی چەند سەرکردەیەک بدات".