کەشناسی: خۆڵبارین بەڕێوەیە و پلەکانی گەرما بەرز دەبێتەوە

نهانیوز-هەواڵەکان

کەشناسی عێراق رایگەیاند، لە سبەینێوە شەپۆلێکی خۆڵبارین ناوچەکانی ناوەراست و باشوری عێراق دەگرێتەوە و پلەکانی گەرما کەمێک بەرزدەبێتەوە".

ئەمڕۆ هەینی 30 ئایار کەشناسی عێراق لە راگەیەنراوێکدا بڵاویکردەوە "سبەی شەممە، شەپۆلێکی خۆڵبارین ناوچەکانی ناوەراست و باشووری عێراق دەگرێتەوە و خێرایی با لە ڕۆژدا بە خێرایی (30-40) کم/کاتژمێر چالاک دەبێت.

ئاماژەی بەوەشکردووە، "ڕۆژی یەکشەممە  و دوشەممە پلەکانی گەرما چەند پلەیەک لە سەرتاسەری وڵات بەرزدەبنەوە ".

سەبارەت بە کەشەهەوای ڕۆژی سێشەممە کەشناسی عێراق ئاماژە بۆ ئەوە دەکات کە تۆز و خۆڵ لە ناوچەکانی ناوەڕاست و باشوور بەرز دەبێتەوە، هەروەها ئاراستەی با بەرەو باکووری ڕۆژئاوا دەبێت و خێراییەکەی بۆ (30 بۆ 40) کیلۆمەتر لە کاتژمێرێکدا چالاک دەبێت و پلەکانی گەرما چەند پلەیەک لە سەرتاسەری وڵات دادەبەزن.