بە فەرمی سکاڵا دژی هەرێم تۆمار کرا
نها نیوز – هەواڵەکان
دوو پەرلەمانتاری عێراق سکاڵایان دژی رێککەوتنەکەی حکومەتی هەرێمی کوردستان و کۆمپانیا ئەمریکییەکان تۆمار کرد.
ئەمڕۆ چوارشەممە 28ی ئایاری 2025 دوو پەرلەمانتاری عێراق سکاڵایان دژی رێککەوتنەکەی حکومەتی هەرێمی کوردستان و کۆمپانیا ئەمریکییەکان تۆمار کرد و ڕایانگەیاند،" ئەم رێککەوتنانە دژی دەستووری عێراقە".
هەفتەی ڕابردوو وەزارەتی سامانە سروشتییەکانی حکومەتی هەرێم بە ئامادەبوونی مەسرور بارزانی دوو گرێبەستی لەگەڵ دوو کۆمپانیای ئەمریکی واژووکرد بۆ کارکردن لە کێڵگەی غازی تۆپخانە و کوردەمیر.
گرێبەستە نوێیەکەی هەرێم کاردانەوەی توندی وەزارەتی نەوتی عێراقی لێکەوتەوە و حەیان عەبدوڵغەنی وەزیری نەوتی عێراق گرێبەستەکانی بە نایاسایی وەسف کرد.
|