شەپۆلێکی خۆڵبارین ڕۆژهەڵاتی کوردستان و چەند پارێزگایەکی ئێرانی گرتەوە

نهانیوز-هەواڵەکان

خۆڵبارین بەشێک لە پارێزگاکانی ڕۆژهەڵاتی کورستان و ئێرانی گرتەوە و بەوهۆیەشەوە بەشێک لە دامەزراوە خزمەتگوزاریەکان پەکیان کەوتوە و پڕۆسەی خوێندنیش ڕاگیرا. 

بەگوێرەی میدایاکانی ئێران، بەهۆی خراپی دۆخی کەشوهەوا و خۆڵبارینی چڕ  لە پارێزگاکانی سنە، کرماشان، لوڕستان، خوزستان و بوشەهر، دەوام لە سەرجەم ناوەندەکانی خوێندن ڕاگیران و هەروەها لە بەشێک لەو پارێزگایانەش فەرمانگە حکوومییەکان و بانکەکانیش داخراون.

ئاماژە بەشکراوە، لە پارێزگاکانی  ئیلام و چوارمحاڵ و بەختیاری و ئیسفەهان هۆشداری توند دراوە سەبارەت بە پیسبونی هەوا بە هۆی خۆڵبارینەوە

کەشناسی ئێرانیش ڕایگەیاند" خۆڵبارینەکە لە عێراق و سوریایەوە  گەیشتوەتە ئێران و دۆخی هەواش کە پارێزگای کرماشان لە ئاستێکی ناسازگاردایە و پارێزگای خوزستانیشی بە دۆخی مەترسیدارە سور ناوبردوە".