گۆڕانی گردەکە هەر لەگەڵ تەواوبوونی کۆنفرانسی ناوخۆی هەڕەشە دەکات

نها نیوز – هەواڵەکان

دانا عەبدولکەریم، ئەندامی کۆنفڕانسی بزوتنەوەی گۆڕانی گردی زەرگەتە ئاشکرایکردووە، کۆنفرانسێکی سەرکەوتویان بە بەشداری زیاتر لە 1300 کەس ئەنجامداوە.

ئاماژەی بەوەشکردووە، ئامادەنەبوونی نوێنەری کۆمسیۆن بەهۆی فشاری سیاسیەوە بووە.

بەوتەی ناوبراو، سەرۆکی کۆمسیۆنی باڵای هەڵبژاردنەکان رێگەی نەداوە نوێنەری کۆمسیۆن بەشداربێت لە کۆنفڕانسەکەیان بۆیە دەڵیت، "لەدادگای فیدراڵی شکات دەکەین لەسەرۆکی کۆمسیۆن".

ئەوەش لە کاتێکدایە، ئامانج عەزیز، بەرپرسی کۆمسیۆنی هەڵبژاردنەکانی عێراق لقی سلێمانی لە لێدوانێکی ڕۆژنامەوانیدا ڕایگەیاندووە، لە کۆنفرانسەکەی ئەمڕۆی گۆڕان لە گردەکە هیچ نوێنەرێکی کۆمسیۆن ئامادە نەبوە، چونکە پێش وەخت بە نوسراوی فەرمی ئاگاداریان کردونەتەوە، کە کات و شوێنی کۆنفرانس کۆمسیۆن خۆی دیاری دەکات و لیژنەی کۆمسیۆنیش بۆ سەرپەرشتی کردنی کۆنفرانس ئامادە دەبێت.