لێزمەباران دەبارێت و پلەکانی گەرما بەشێوەیەکی بەرچاو دادەبەزێت

نهانیوز-هەواڵەکان

کەشناسی هەرێم ڕایگەیاند، بارانبارین بەشێوەی لێزمە بەردەوام دەبێت و لە هەندێک شوێن هەورە بروسکەشی لەگەڵ دەبێت.

بەپێی ڕاپۆرتی کەشناسی هەرێم، ئەمڕۆ شەممە، ئاسمان بەگشـتی هەوری باراناوی دەبێت لە زۆربەی ناوچەکان, لە هەندێ کات و شوێن دابارین بە شێوەی لێزمە باران و هەورە تریشقەی لەگەڵدایە، لە درەنگانی شەودا کەش سەقامگیر دەبێت کاریگەری ئەم شەپۆڵە کۆیایی دێت.

باسی لەوەشکردووە: پلەکانی گەرما نزم دەبێتەوە بە (3- 5) پلەی سیلیزی بەراورد بە تۆمارەکانی دوێنێ.

بەپێی ڕاپۆرتەکەی کەشناسی هەرێم، سبەینێ یەکشەممە، ئاسمان ساماڵ بۆ نیمچەهەور دەبێت. پلەکانی گەرما بەرز دەبێتەوە بە یەک بۆ دوو پلەی سیلیزی بە بەراورد بە تۆمارەکانی ئەمرۆ.

بەرزترین پلەکانی گەرمای پێشبینیکراو بە پلەی سیلیزی

هەولێر: 25 پلەی سیلیزی

سلێمانی: 22 پلەی سیلیزی

دهۆک: 23 پلەی سیلیزی

کەرکوک: 27 پلەی سیلیزی

زاخۆ: 24 پلەی سیلیزی

هەڵەبجە: 21 پلەی سیلیزی

سۆران: 21 پلەی سیلیزی

حاجی ئۆمەران: 16 پلەی سیلیزی

گەرمیان: 29 پلەی سیلیزی