قوباد تاڵەبانی: نوێنەرانی کورد لە بەغدا هەموو هەوڵێک بخەنەگەڕ بۆ قەرەبووکردنەوەی کوردانی فەیلی
نها نیوز – هەواڵەکان
قوباد تاڵەبانی، جێگری سەرۆک وەزیران پەیامێکی بەبۆنەی جینۆسایدی کوردە فیلییەکان بڵاوکردووە و دەڵێت، "کوردانی فەیلی هەم بەهۆی جیاوازیی ئاینیی و هەم بەهۆی کوردبوونیانەوە بەردەوام چەوسێنراونەتەوە".
قوباد تاڵەبانی، جێگری سەرۆک وەزیرانی حکومەتی هەرێمی کوردستان پەیامێکی بە بۆنەی جینۆسایدی کوردانی فەیلی بڵاوکردووە نوسیویەتی، "کوردە فەیلییەکان هاوشێوەی کوردانی ئێزدیی لەگەڵ ئەوەی لە رەسەنترین پێکهاتەکانی کوردستان و عێراقن، بەڵام لە سەد ساڵی رابردوودا لە ستەملێکراوترین پێکهاتەکانیش بوون".
نوسیویشیەتی' "کوردانی فەیلی هەم بەهۆی جیاوازیی ئاینیی و هەم بەهۆی کوردبوونیانەوە بەردەوام چەوسێنراونەتەوە و وەک بێگانە سەیرکراون".
ئاماژەی بەوەشکردووە، گەلی کورد نەک هەر کۆمەڵکوژکردن و وڵاتبەدەرکردنی کوردانی فەیلی لەسەر دەستی رژێمی لەناوچووی بەعس لەبیرناکات، بەڵکو یادی ئەو تاوانە مەزنە دەکاتە هەوێنی پتەوکردنی هاوچارەنووسی و یەکێتیی زیاتری نێوان پێکهاتە جیاوازەکانی گەلی کوردستان.
لە کۆتایدا دەڵێت، لەم یادە وەبیر نوێنەرانی کورد لە بەغدا دەخەینەوە کە هەموو هەوڵی خۆیان بخەنەگەڕ بۆ قەرەبووکردنەوە و گەڕاندنەوەی مافە زەوتکراوەکانی کوردانی فەیلی.
|