ئەمڕۆ باران لە چەند ناوچەیەکی هەرێم دەبارێت

نها نیوز – هەواڵەکان

بەڕێوەبەرایەتیی کەشناسیی و بومەلەرزەزانی هەرێم هۆشداریدا، بەوەی کە باران بارینی بەلێزمە زۆربەی ناوچەکانی هەرێم دەگرێتەوە.

ئەمڕۆ هەینی، بەشی پێشبینی لە بەڕێوەبەرایەتیی کەشناسیی و بومەلەرزەزانی هەرێم ڕایگەیاندووە، ئەمڕۆ ئاسمانی هەرێم لە سەرەتای رۆژدا پەڵە هەور بۆ نیمچە هەور دەبێت و لەشەودا دەگۆڕێت بۆ هەوری تەواو.

ئاماژەی بەوەشکردووە، لە ئێوارەدا نمە باران و بارانی مامناوەند لە سنوری ئیدارەی گەرمیان و پارێزگای هەڵەبجە دەست پێدەکات و بەرەبەرە کاریگەرییەکەی زیاد دەکات.

ئەوەشی خستووەتەڕوو، لە درەنگانی شەودا، باران بارین زۆربەی ناوچەکانی هەرێم دەگرێتەوە و هەندێک کات بە خوڕ دەبارێت و هەورە تریشقەشی لەگەڵ دەبێت.

هاوکات پێشبینی کردووە بۆ سبەینێ رۆژی شەممە کەش سەقامگیر بێت و کاریگەری ئەم شەپۆلە بارانە کۆتایی پێ بێت.

بەرزترین پلەکانی گەرمای پێشبینیکراو بە پلەی سیلیزی:

- هەولێر:23 پلە

- سلێمانی: 20 پلە

- دهۆک: 20 پلە

- کەرکوک: 25 پلە

- زاخۆ: 20پلە

- هەڵەبجە: 19پلە

- سۆران: 16 پلە

- حاجی ئۆمەران: 9 پلە

- گەرمیان: 23 پلەی سیلیزی