ئالان حەمەسەعید: تاقیکردنەوەکانی پۆلی 12ـی ئامادەیی لەکاتی خۆیدا بەڕێوە دەچن
نها نیوز – هەواڵەکان
وەزیری پەروەردە ڕوونکردنەوە دەدات لەبارەی ئەگەری دواخستنی تاقیکردنەوەکانی پۆلی 12ـی ئامادەیی.
ئالان حەمەسەعید، وەزیری پەروەردەی حکومەتی کاربەڕێکەری هەرێمی کوردستان لە لێدوانێکدا ڕایگەیاندووە، تاقیکردنەوەکانی پۆلی 12ـی ئامادەیی لە سەرتاسەری هەرێمی کوردستان لە 1ـی حوزەیرانی 2025، لە کات و ساتی خۆیدا بەڕێوە دەچن و دواناخرێن.
سەبارەت بە کەمکردنەوەی پرۆگرامی خوێندن ئاماژەی بەوەکردووە، بۆ پۆلی نۆی بنەڕەتی و 12ـی ئامادەیی لە 10٪ بۆ 12کەم کراوەتەوە.
ئەوەشی خستووەتەڕوو، لە دوای تاقیکردنەوەکانی پۆلی 12، وەزارەتی پەروەردە هەوڵەکانی چڕ دەکاتەوە بۆ ڕێکخستنەوەی میلاکات بۆ ساڵی ئاییندە.
لەبارەی دەستپێکردنەوەی خوێندن لە ناوەندەکانی خوێندندا لە سنووری پارێزگای سلێمانی، دەڵیت، لەناوەندەکاندا خوێندن دەستی پێکردووەتەوە و دەسەڵاتییان پێ دراوە و تاقیکردنەوەکانیان ڕێک خستووه‌تەوە.
|