دژەتیرۆری سلێمانی راگەیاندراوێكی بڵاوکردەوە

نها نیوز – هەواڵەکان

بەڕێوەبەرایەتیی گشتیی دژەتیرۆر لە ڕاگەیاندراوێکدا ئاشکرایکردووە، پاڵپشت بە زانیاری هەواڵگری ورد و بەدواداچوونی بەردەوام توانیان ژمارەیەک تیرۆریست لە چەند شوێنێکی جیاواز دەستگیربکەن.

دەقی ڕاگەیاندراوەکە...

پاڵپشت بە زانیاری هەواڵگری ورد و بەدواداچوونی بەردەوامی تیمە تایبەتەکانمان، هێزەکانی بەڕێوبەرایەتیی گشتیی دژەتیرۆر توانیان ژمارەیەک تیرۆریست لە چەند شوێنێکی جیاوازی سنووری قەزای شارەزوور دەستگیربکەن.

دەستگیرکراوەکان خەڵکی پارێزگاکانی بەغداد و دیالەبوون، کاری لۆجیستی و دابینکردنی کەرەستەیان بۆ شانە نوستوو و چالاکەکانی تیرۆرستانی داعش کردووە، پاش ئاشکرابوونیان لەلایەن دەزگا ئەمنییەکانی عێراقەوە بەرەو هەرێمی کوردستان هەڵهاتوون و لە سنووری شارەزوور نیشتەجێبوون.

پاش دەستگیرکردنیان دەستبەجێ ڕادەستی یاسا کران بەمەبەستی سزادانیان.