زیاد جەبار: مەرجى سەرەکیی یەکێتى بۆ پێکهێنانی حکومەت "خزمەتکردنى خەڵک و حکومەت هی خەڵک بێت"
نها نیوز-هەواڵەکان
ئەندامێکی سەرکردایەتیی یەکێتیی زانیاریى نوێ و گرنگ لەبارەى گفتوگۆکانى یەکێتى و پارتى بۆ پێکهێنانی حکومەت دەخاتەڕوو.
زیاد جەبار، ئەندامى سەرکردایەتیی یەکێتیی نیشتمانیی کوردستان لە لێدوانێکی ڕۆژنامەوانیدا ڕایگەیاندووە، گفتوگۆکانی نێوان یەکێتى و پارتى بۆ پێکهێنانی حکومەتی داهاتوو لە سێ ئاراستەدایە، یەکێکیان لەسەر شێوازى حکومڕانییە و دەڵێت، "ئەمەیان زۆر باش چووەتە پێش".
ئاماژەی بەوەشکردووە، یەکێتى لە رابردوودا گلەی زۆری لە شێوازى حکومڕانى هەرێم هەبووە، نەک گلەی لە پلە و پۆستی حکومی، بۆیە بەردەوام قسەیان لەسەر راستکردنەوەى رێڕەوى حکومڕانى هەرێم کردووە، بەوتەی ناوبراو، یەکێتی و پارتی بۆ رێککەوتنی حکومەت هەنگاوى زۆر باش چوونەتە پێشەوە.
ئەوەشی خستووەتەڕوو، تا ئێستا لەسەر دابەشکردنی وەزارەتەکان رێکنەکەوتوون کە چ وەزارەت و پۆستێکیان دەبێت، تا مەرجى بۆ دانێن، دەشڵێت، مەرجى سەرەکیی یەکێتى "خزمەتکردنى خەڵکە و دەبێت حکومەتێک بێت هی خەڵک بێت".
بەوتەی ناوبراو، یەکێتی و پارتی بەمنزیکانە کۆبوونەوەکان دەستپێدەکەنەوە.
|