بۆچی بە مەبەست دەنگدان لەسەر بە پارێزگابوونی هەڵەبجە دوادەخرێت؟
نهنایوز-هەواڵەکان
بڕیاری بەپارێزگاکردنی هەڵەبجە کە کەمترین کارە بۆ قەرەبووکردنی ئەو کارەساتانەی بەسەریدا هاتووە، ساڵانێکە مشتومڕی زۆری لێدەکەوێتەوە و لەچەند رۆژی رابردوودا جارێکی دیکە دانیشتنی پەرلەمانی عێراق دواخرا کە بڕیاربوو تێیدا دەنگ لەسەر بە پارێزگابوونی هەڵەبجە بدرێت.
دانیشتنی پەرلەمانی عێراق بڕیاربوو بەڕێوەبچێت بەڵام بە بیانووی بەڕێوەچوونی یاری هەڵبژاردەی عێراق لە پاڵاوتنەکانی مۆندیالدا دواخرا.
دانیشتنەکەی پێشووتریش بە بەبیانووی نەبوونی نیسابی یاسایی بەڕێوە نەچوو کە خاڵی یەکەمی تایبەت بوو بە دەنگدان لەسەر پڕۆژەیاسای بەپارێزگاکردنی هەڵەبجە.
بە پێی ئەو زانیارییانەی دەست نهانیوز کەوتووە ، بوونی پرۆژەیاسای حەشدی شەعبی لە کارنامەکەدا، هۆکاری سەرەکی دواخستنی دانیشتنەکە بووە، ئەو پرۆژەیاسایە کە بڕیاربوو خوێندنەوەی دووەمی بۆ بکرێت، لایەنە شیعەکانی نێو چوارچێوەی هەماهەنگی کردووە بە دوو بەشەوە، بەشێکیان بە سەرۆکایەتی نوری مالیکی لەگەڵ تێپەڕاندنی پرۆژەیاساکەن و بەشەکەی دیکەش کە گروپەکانی سەر بە قەیس خەزعەلی و هادی عامرییان لە نێودایە نایانەوێت یاساکە تێپەڕیندرێت.
هاوکات هەر بە پێی زانیارییەکانی نهانیوز، دواتر فراکسیۆنە کوردستانییەکان کۆبوونەوەیەکی هاوبەشیان ئەنجامدا و بڕیاریاندا بەشداری هیچ دانیشتنێکی پەرلەمان نەکەن ئەگەرهاتوو دەنگدان لەسەر بە پارێزگاکردنی هەڵەبجە لە کارنامەکەیدا نەبێ
|