هەپەگە: لە مانگی رابردوودا تورکیا 12 جار هێرشی کردووەتە سەر کوردستان

نهانیوز-هەواڵەکان

بە پێی راگەیێندراوی ناوەندی راگەیاندن و چاپەمەنی هێزەکانی پاراستنی گەل  لەمانگی رابردودا تورکیا (12) هەزار هێرشی کردۆتەوە سەر کوردستان، بەڵام تەنها (13) جار وەڵام دراونەتەوە.

ناوەندی راگەیاندن و چاپەمەنی هێزەکانی پاراستنی گەل هەپەگە بڵاویكردەوە؛ لەسەر بنەمای پەیامە مێژوییەكەی عەبدوڵا ئۆجەلان، لە رۆژی (1ـی ئاداری 2025) پەكەكە و فەرماندەیی بڕیارگەی ناوەندی پاراستی گەل ئاگربەستیان راگەیاند و فەرماندرا كە هەمو هێزە بنەڕەتییەکان و تیمە فیدایانەی لە ئەرکداربون، لەتورکیا و باکوری کورستان بە گوێرەی بڕیاری ئاگربەستەکە بجوڵێنەوە.


دەشڵێت: لەمانگی ئاداردا كە مانگی رەمەزانیشی تێکەوت كە مانگێكی پیرۆزە بۆ جیهانی ئیسلامی، سەرباری ئاگربەستی هێزەکانیان، بەڵام دەوڵەتی توركیا و حکومەتی ئاکەپە لە هێرشكردنە سەر باکوری کوردستان و هەرێمەکانی پاراستنی مەدیا بەردەوام بون.


رونیكردوەتەوە، لەمانگی ئاداردا سوپای توركیا (11) جار بەچەكی كیمایایی، نۆ جار بەچەكی قەدەغەكراو و نۆ جاریش بەدرۆنی بۆمبڕێژكراو هێرش كردوەتە سەر تونێلەكانی شەڕ لە هەرێمەكانی پاراستنی مەدیا، هاوكات، لە گۆڕەپانەکانی بەرخۆدان (196) جار بە فڕۆکەی جەنگی، (98) جار بە هەلیکۆپتەری جەنگی و (11) هەزار و (289) جار بە چەکی قورس، تۆپ و هاوەن بۆردومان کراون.


ناوەندی راگەیاندن و چاپەمەنی هێزەکانی پاراستنی گەل هەپەگە ئاماژەی بۆ ئەوەشكردوە، لەسەر بنەمای پاراستنی رەوایەتی لە دژی هێرشەكان، گەریلاکانی ئازادیی کوردستان (13) جار وەڵامی هێرشەكانی داوەتەوە هەروەها فڕۆکەیەکی بێفڕکەوانی جۆری ئاکنجیی کەبۆ کاری سیخوڕ ودەگەڕا لە (16ـی ئاداری 2025) لە ئاسمانی قەندیل و لە بەرزی نۆ هەزار و (645) مەترەوە خرایە خوارەوە.