وەزارەتی کارەبا بڕی پێدانی کارەبای لە رۆژانی جەژندا بڵاوکردەوە

نهانیوز-هەواڵەکان

وەزارەتی کارەبا بڕی پیدانی کارەبای لە ڕۆژانی جەژندا بڵاوکردەوە و دەڵێت"زیاتر لە 22 کاتژمێر کارەبا دراوە"..

بەڕێوەبەراتیی کۆنترۆڵی کارەبای هەرێم ، لەبڵاوکراوەیەکدا رایگەیاند، لە هەر سێ ڕۆژانی جەژنی رەمەزاندا توانیویانە 22:30 کاتژمێر کارەبا لە سەرانسەری هەرێمی کوردستان بۆ هاووڵاتیان دابین بکەن.

ئاماژەی بەوەشداوە، بەمەش وەزارەتی کارەبا ئەو بەرنامەیەی بۆ پێدانی کارەبا بە هاووڵاتیان کە پێش ڕۆژانی جەژن بڵاویکردەوە بەشێوەیەکی ڕێکوپێک جێبەجێی کرد.

ئەمەش لەکاتێکدایە بڕیارە لە ماوەکانی ئایندەدا پرۆژەی ڕووناکی لەسەرتاسەری هەرێم بکەوێتە کار و کارەبای 24 کاتژمیری بۆ هاووڵاتیان دابینبکرێت، بەڵام بەشێکی زۆری هاوڵاتیان بەهۆی گرانی نرخەکەی ناڕازین.