نرخی کارەبای 24 کاتژمێری راگەیێندرا
بڕیارە ناوەڕاستی ئەم مانگە نرخی کارەبای 24 کاتژمێری بەشێوەیەکی فەرمی دیاری بکرێت و ئەو کارەبایەی ئێستا هەیە ئەزموونییە و نامێنێت.
ئەمڕۆ سێشەممە، میدیای پارتی بڵاویکردووەتەوە بڕیارە، لە کۆبوونەوەی فەرمی ئەنجوومەنی وەزیرانی کوردستان لە مانگی چوار بڕیار لەسەر نرخی کارەبای 24 کاتژمێری بدرێت و بە کۆدەنگی بڕیاری لەسەر دەدرێت نەوەک تەنیا لایەنێک بڕیار بدات.
باس لەوەشکراوە، نرخی هەر کیلۆ واتێک هەر ئاوا دانانرێت، هەڵسەنگاندن دەکرێت، بەجۆرێک دادەنرێت لەگەڵ گوزەران و ژیانی هاووڵاتییان بگونجێت.
ئێستا بە چوار شێواز نرخی کیلۆوات دادەنرێت: سفر بۆ 400 کیلۆوات بە نرخێک، 400 بۆ 800 کیلۆوات زیاتر دەبێت، 800 بۆ هەزار و 200 کیلۆوات گرانتر دەبێت، 1200 و زیاتریش گرانتر دەبێت، واتە تا زیاتر کارەبا بەکاربهێنرێت نرخەکەی گرانتر دەبێت.
|