قوباد تاڵەبانی پەیامێکی بڵاوکردەوە
نهانیوز-هەواڵەکان
ئەمڕۆ سێشەممە 1ی نیسانی 2025 جێگری سەرۆک ەزیرانی هەرێم بەبۆنەی جەژنی سەری ساڵی بابلی-ئاشووری پەیامێکی بڵاوکردەوە.
قوباد تاڵەبانی جێگری سەرۆکوەزیرانی هەرێم رایگەیاند" بەبۆنەی جەژنی سەری ساڵی بابلی – ئاشووری (ئەکیتۆ) گەرمترین پیرۆزبایی ئاراستەی خوشک و برایانی کلدان، ئاشووری و سریان لە کوردستان و عێراق و هەموو جیهان دەکەم و هیوای رۆژانێکی پڕ لە خۆشی و ئاشتی و ئارامییان بۆ دەخوازم".
وتیشی" کلدان و ئاشووری و سریان لە رەسەنترین پێکهاتەکانی کوردستان و عێراق و ناوچەکەن. کوردستان وەکچۆن شانازی بە مێژووی دێرینی پێکەوەژیانی هەموو پێکهاتەکانییەوە دەکات، لەمەودواش وەک لانکەی پێکەوەژیانی پڕ لە ئاشتی و ئارامی بۆ سەرجەم دانیشتوانەکەی دەمێنێتەوە."
|