هەورە تریشقە و باران سەرجەم ناوچەکانی هەرێم دەگرێتەوە

نها نیوز - هەواڵەکان

کەشناسی هەرێم پێشبینی 48 کاتژمێری داهاتووی راگەیاند و ئاماژە بەوە دەکات، کە شەپۆلێکی بارانبارین و هەورە تریشقە سەرجەم ناوچەکانی هەرێمی کوردستان دەگرێتەوە.

کەشناسی هەرێمی کوردستان لە راگەیەندراوێکدا لەپێگەی فەرمی خۆی کەشی ئەمرۆ و سبەی ناوچەکانی هەرێمی کوردستانی بڵاوکردەوە و  سەبارەت بە ئەمرۆ سێشەممە 1ی نیسانی 2025، ئاسمان ساماڵ و پەڵەهەور دەبێت و لە درەنگانی شەودا لە باكوری هەرێم دەگۆڕێت بۆ هەوری تەواو، هاوكات پلەكانی گەرما لەنێوان (2-4) پلە بەرزدەبێتەوە.

پەیوەست بە سبەی چوارشەممەشەوە کەشناسی دەڵێت "ئاسمانی هەرێم هەوری تەواو دەبێت لەگەڵ بارینی شەپۆلێكی نمەباران و هەورە تریشقە، سەرەتا لەناوچە شاخاوییەكانی دهۆك دەستپێدەكات و پاشان سەرجەم ناوچەكانی هەرێم دەگرێتەوە، لەسنووری پارێزگای دهۆكیش پلەكانی گەرما (2-3) پلەی سیلیزی دادەبەزێت".

بەرزترین پلەكانی گەرمای پێشبینیكراو بە پلەی سیلیزی:

هەولێر: 26 پلەی سیلیزی

سلێمانی: 25 پلەی سیلیزی

دهۆك: 23 پلەی سیلیزی

كەركوك: 29 پلەی سیلیزی

زاخۆ : 23 پلەی سیلیزی

هەڵەبجە: 25 پلەی سیلیزی

سۆران: 21 پلەی سیلیزی

حاجی ئۆمەران: 12 پلەی سیلیزی

گەرمیان: 31 پلەی سیلیزی