عەوادی ڕەتیدەکاتەوە سودانی دەستوەردانی لە دیاریکردنی ڕۆژانی جەژندا هەبێت

نها نیوز – هەواڵەکان

وتەبێژی حکومەتی عێراق ڕەتیکردەوە سەرۆک وەزیران دەستوەردانی لە دیاریکردنی ڕۆژەکانی جەژنی ڕەمەزاندا کردبێت و ناڕەزاییتوندیشی دەربڕی بەرامبەر بە هەندێک لە سیاسەتمەداران.

ئەمڕۆ دوشەممە باسم عەوادی، وتەبێژی حکومەتی عێراق رایگەیاند، "قسەکردن لەسەر دەستوەردانی حکومەت یان محەمەد شیاع سودانی، سەرۆک وەزیرانی عێراق لە دیاریکردنی بینینی مانگی هیلال و وادەی جەژن، درۆ و بێ بنەمایە.

دووپاتیشی کردەوە، "سەرۆکی حکومەت باوەڕی بە دامودەزگا ئاینییەکان هەیە و کاردەکات بۆ پێدانی ماف و فەزای خۆیان لەم دۆخە تایبەتەدا، هەروەها خۆی لەو بابەتانە دووردەخاتەوە، بەو پێیەی ئەوان تاکە بەرپرسیارێتی دەسەڵاتدارانی ئایینی و فەقهێ و دامەزراوە یاساییەکانن، بەو پێیەی ئەوان تاکە کەسن کە پەیوەندییان بە دانانی بەروار و پرسە یاساییەکانەوە هەیە. جەخت لەسەر ڕێزگرتن لە هەموو بیربۆچوونەکان دەکاتەوە لە چوارچێوەی هەموو بۆچونەکەنی گەلی عێراق".