کەشێکی ناسەقامگیر دەگاتە هەرێم

نهانیوز-هەواڵەکان

کەشناسێکی کورد زانیاری لەسەر هاتنی شەپۆلێکی ناسەقامگیر دەدات و جەخت لەوەدەکاتەوە کە پلەکانی گەرما نزم دەبنەوە.

ئاراس جەبار شارەزای کەشناسی رایگەیاند" لەماوەی ڕابردوودا بەبڕ و رێژەی جیاواز بارانبارین ناوچە جیاجیاکانی ھەرێمی کوردستانی گرتەوە بەتایبەت لە ناوچە شاخاویەکانی پارێزگای دھۆک کاریگەری زیاتر بوو و بەگشتی کاتەکانی ئەمڕۆ تا ئێوارە کەش لە زۆربەی ناوچەکان زیاتر سەقامگیرەبێت و لەھەندێک کات و شوێنیشدا کەڵەکە ھەورەکان چردەبنەوە و ئەگەری تاوە باران و ھەورە بروسکە ئەبێت لە ئێوارەوە بەتەواوی کۆتای پێدێت ." 

ئاراس جەبار دەشڵێت" سبەی سێشەمە 1/4/2025 ئاسمانی ھەرێم بەزۆری ساماڵ و ھەندێ پەڵە ھەوری کەم ئەبێت ، پلەکانی گەرما بەڕاورد بە ئەمڕۆ  4  پلە بەرزدەبێتەوە ، خێرای با لەسەرخۆ بۆ مامناوەند 10-20کم/ک ئاراستەی با باشور ئەبێت ".

ئەو کەشناسە ئاشکراشی دەکات کە دوو سبەی چوارشەمە 2/4/2025 ھەرێمی کوردستان ئەکەوێتەوە ژێر کاریگەری ناجێگیری کەش و بەرگەھەوا لەئەنجامی چالاکبوونەوەی نزمەپاڵەپەستۆی دەریای سوور بۆ سەر ناوچەکانمان لەکات و شوێنی جیاوازدا ھەورە بروسکە و تاوە باران دەستپێدەکاتەوە کە لەھەندێ شوێندا تەنھا نمە باران ئەبێت و لەھەندێ شوێنیش بارانەکان مامناوەند و باش ئەبن بەتایبەت لە ناوچە شاخاویەکان و کاریگەری ئەو ناجێگیریەش ئێوارەی ھەمان رۆژ کۆتای پێدێت .