پەیامی بافڵ تاڵەبانی بە بۆنەی جەژنی ڕەمەزانەوە

نها نیوز – هەواڵەکان

سەرۆکی یەکێتیی نیشتمانیی کوردستان، ئاشکرایکردووە، بەبۆنەی هاتنەوەی جەژنی رەمەزانی پیرۆز، پیرۆزبایی گەرم لە موسڵمانانی كوردستان، عیراق و جیهان دەکەم.

بافڵ جەلال تاڵەبانی سەرۆکی یەکێتیی نیشتمانیی کوردستان ڕایگەیاندووە، خوای گەورە نوێژ و رۆژوو و عیبادەتی هەموولایەکی قبوڵکردبێ و جەژنی خێروخۆشی و ئاشتی و ئارامی بێت.

ئاماژەی بەوەشکردووە، هیوادارە ئەم جەژنە، هاندەریان بێت تا بە گیانی لێبوردەیی و بەرپرسیارێتی نیشتمانییەوە هەنگاوبنێن بۆ چارەسەرکردنی کێشەکان و نەهێشتنی کەموکوڕییەکان و باشترکردنی حکومڕانی و ژیانی خەڵکە خۆشەویستەکەیان.

دەشڵێت، لەم بۆنە پیرۆزەدا دووپات لە پێویستیی تەبایی، برایەتی و یەکڕیزی نێوان گەلەکەمان دەکەمەوە لە پێناو بەهێزکردنی قەوارەکەمان و سەقامگیری سیاسی لە هەرێمەکەماندا.

لە کۆتایدا نوسیویەتی: "هەر لەجەژن و شادی و سەرفرازیدا بن".