ئەمڕۆ شاندی دەم پارتی سەردانی ئیمرالی دەکەنەوە
نها نیوز – هەواڵەکان
بڕیارە ئەمڕۆ شاندی دەم پارتی بۆ جاری دووەم سەردانی ئیمرالی بکەنەوە و لەگەڵ عەبدوڵا ئۆجەلان کۆببنەوە.
ئەمڕۆ چوارشەممە، 22 کانوونی دووەمی، 2025، ئاژانسی هەواڵی میزۆپۆتامیا لە هەواڵێکیدا ڕایگەیاندووە، ئەمڕۆ بۆ دووەم جار شاندی دەم پارتی سەردانی ئیمرالی دەکەنەوە و لەگەڵ عەبدوڵا ئۆجەلان کۆدەبنەوە.
ئاماژەی بەوەشکردووە، تا ئێستا نەزاندراوە شاندەکەی دەم پارتی لە کێ و کێ پێکدێت.
ئەوەش لە کاتێکدایە کە لە ٢٨ـی کانوونی یەکەمی ساڵی ڕابردوو، هەریەک لە پەرلەمانتارانی دەم پارتی سری سورەیا ئۆندەر و پەروین بوڵدان، سەردانی ئیمرالییان کرد و لەگەڵ عەبدوڵا ئۆجەلان دیداریان ئەنجامدا، دواتر لەسەر ڕاسپاردەی ئۆجەلان شاندەکە بە یاوەری سیاسەتمەداری کورد ئەحمەد تورک، کە قەیوومیش لە جێگەی دانراوە لە شارەوانی مێردین، سەردانی لایەنە سیاسییەکانی تورکیا و بەشێک لە زیندانییانی سیاسییان کرد.
|