ئەمریکا پێشوازیی لە کۆبوونەوەکەی بارزانی و عەبدی دەکات

نها نیوز – هەواڵەکان

وەزارەتی دەرەوەی ئەمریکا پێشوازی لە کۆبوونەوەکەی نێوان سەرۆکی پارتى دیموکراتى کوردستان و فەرماندەى گشتى هێزەکانى سووریاى دیموکرات دەکات.

ئۆفیسی کاروباری خۆرهەڵاتی نزیک لە وەزارەتی دەرەوەی ئەمریکا، لە ڕاگەیاندراوێکیدا سەبارەت بە کۆبونەوەی نێوان بارزانی و عەبدی لە تۆڕی کۆمەڵایەتی ئێکس ڕایگەیاندووە، ئەمریکا پێشوازیی لە کۆبوونەوەکەی رۆژی 16ـی کانوونی دووەمی 2025 لە نێوان مەسعود بارزانی و مەزڵوم عەبدی دەکات.

ئاماژەی بەوەشکردووە، کوردەکان بەدیالۆگی ناوخۆیی دەتوانن ڕۆڵێکی گرنگ و یەکلاکەرەوە لە پتەوەکردنی پاراستن و گشتگیری سیاسی لە سووریا بگێڕن.

ئەوەش لە کاتێکدایە کە ڕۆژی 16ـی کانوونی دووەمی 2025، مەزڵوم عەبدی فەرماندەی گشتی هێزەکانی سووریای دیموکرات سەردانی هەرێمی کوردستانی کرد و لە پیرمام لەگەڵ مەسعود بارزانی کۆبووەوە.