مەزڵوم عەبدی لەبارەی دیدارەکەی لە هەولێر بەپەلە پەیامێکی بڵاوکردەوە
نها نیوز – هەواڵەکان
فەرماندەی گشتی هەسەدە رایگەیاند، دیدارەکەی لەگەڵ مەسعود بارزانی جێگەی دڵخۆشی بووە، گفتوگۆیان لەبارەی گۆڕانکارییەکانی سوریا کردووە و جەختیشیان لە یەکڕیزیی هەڵوێستی کورد کردووەتەوە.
مەزڵوم عەبدی، فەرماندەی گشتیی هێزەکانی سوریای دیموکرات (هەسەدە) لە لاپەڕەی فەرمی خۆیان لە تۆڕی کۆمەڵایەتی فەیسبوک نوسراوێکی بڵاوکردووەتەوە و دەڵێت "دیداریان لەگەڵ مەسعود بارزانی، سەرۆکی پارتی دیموکراتی کوردستان جێگەی دڵخۆشی بووە، پێکەوە گفتوگۆیان لەبارەی گۆڕانکارییەکانی سوریا کردووە".
نوسیویشیەتی "لەگەڵ مەسعود بارزانی جەختمان لە یەکڕیزیی هەڵوێستی کورد لە سوریا کردووەتەوە.
پاشان هەردوولا وتویانە "لە گفتوگۆکان لەگەڵ دیمەشق دەبێت پارێزگاریی لە مافەکانی گەلی کورد بکرێت، یەکڕیزیی کوردی و سەقامگیریی هەرێمی بەگشتی ئەرکی هەموومانە".
|