سودانی کێڵگە نەوتییەکانی کەرکووکی ڕادەستی کۆمپانیایەکی بەریتانی کرد
نها نیوز – هەواڵەکان
سەرۆک وەزیرانی عێراق، یاداشتێکی لێکتێگەیشتنی لەگەڵ کۆمپانیای "بریتش پترۆلیۆم" واژۆکرد، بەمەبەستی گەشەپێدانی چوار کێڵگەی نەوتی پارێزگای کەرکووک.
نوسینگەی راگەیاندنی محەمەد شیاع سودانی بلاویکردەوە، سەرۆکوەزیرانی عێراق لە لەندەن یاداشتنامەیەکی لێکتێگەیشتنی لەگەڵ کۆمپانیای (بریتش پترۆلیۆم) واژۆکردوە سەبارەت بە هەڵسەنگاندن و گەشەپێدانی چوار کێڵگەی نەوتی کەرکووک و دەوروبەری.
ئاماژەی بەوەشکردوە، واژۆکردنی ئەو ڕێککەوتنانە مەبەست لێی کارکردنە لەسەر پرۆژەی نۆژەنکردنەوەی چوار کێڵگەی کۆمپانیای نەوتی باکور لە کەرکووک، بۆ زیادکردنی بەرهەمهێنان و گەشەسەندنی ئەو کێڵگانە لەپێناو بەرهەمهێنانی بڕێکی زیاتر لە نەوت و گاز.
ئەوەش لە کاتێکدایە کە سودانی لە سەردانەکەیدا بۆ لەندەن، لەگەڵ نوێنەری 24 کۆمپانیای بەریتانی کۆبوەوە و داوای لێکردون هاوکار و هەماهەنگ بن بۆ بەرەوپێشبردنی کەرتی نەوت، بازرگانی و پیشەسازی لە عێراق.
|