چەمچەماڵ... بوتڵێکی غاز لە ماڵێكدا تەقیەوە

نها نیوز – هەواڵەکان

لەناو ماڵی هاوڵاتییەک لە شاری چەمچەماڵ، بوتڵی غاز تەقییەوە و بەهۆیەوە ژنێک بریندار بووە و زیانی مادیی بەر ماڵەکەش كەوتوە.

بەیانی ئەمڕۆ هەینی، 10-1-2025، لە رووداوێکدا بەهۆی تەقینی بتڵێکی غازەوە لە چەمچەماڵ لە ماڵێکدا ژنێک بریندار بووە و بەهۆیەوە 25%ی جەستەی سووتاوە.

هاوکات، شەریف رەحم، جێگری بەڕێوبەری تەندروستی چەمچەماڵ لە لێدوانێکی ڕۆژنامەوانیدا ئاشکرایکردووە، دوای ئەوەی ژنێک گەیەندراوەتە نەخۆشخانەی چەمچەماڵ، چارەسەریی سەرەتایی بۆکراوە، دواتر رەوانەی نەخۆشخانەکانی سلێمانی کراوە بەمەبەستی چارەسەرکردن.