حکومەتی کاربەڕێکەر کۆبونەوەیەکی نائاسایی بۆ پرسی مووچە دەکات

نها نیوز – هەواڵەکان

بڕیارە ئەنجوومەنی وەزیرانی هەرێمی کوردستان، رۆژی شەممە 11ـی کانوونی دووەمی 2025 کۆبوونەوەیەکی نائاسایی لەگەڵ نوێنەرانی کورد لە بەغدا لەبارەی پرسی مووچەوە ئەنجامبدات.

بەپێی هەواڵێکی میدیایی یەکێتیی ڕایگەیاندووە، ئەنجوومەنی وەزیرانی هەرێمی کوردستان، سەرجەم وەزیرە کوردەکانی لە حکومەتی عێراق و سەرۆکی فراکسیۆنە کوردستانییەکانی ئەنجوومەنی نوێنەرانی عێراقی بۆ کۆبوونەوەیەکی گرنگ لەسەر پرسی مووچە بانگێشتکردووە.

بەپێی زانیارییەکان کۆبونەوەکە بۆ گفتوگۆ کردنە لەبارەی دانانی نەخشەڕێگەیەک بۆ چارەسەرکردنی پرسی مووچەی مووچەخۆرانی هەرێمی کوردستان بۆ ساڵی 2025.

بڕیاریشە کۆنوسی کۆبونەوەکە و ئەو نەخشەڕێگەیەی بۆ چارەسەرکردنی پرسی مووچە دادەڕێژرێت، بدرێتە محەمەد شیاع سودانی سەرۆک وەزیرانی عێراق دەکرێت.