قوباد تاڵەبانی: بەهێزکردنی رێکخراوەکانی کۆمەڵگای مەدەنی دەرگای گەشەسەندنی وڵاتەکەمان دەکاتەوە
نها نیوز – هەواڵەکان
قوباد تاڵەبانی، لەگەڵ ژمارەیەک لە گەنجان و نوێنەرانی چەندین رێکخراوی کۆمەڵگای مەدەنی لە سنوری پارێزگای هەولێر کۆبووەوە.
قوباد تاڵەبانی جێگری سەرۆک وەزیرانی هەرێم لە پەرەی فەرمی خۆی لە تۆڕی کۆمەڵایەتی فەیسبوک نوسیویەتی: "بەهێزترکردنی رێکخراوەکانی کۆمەڵگای مەدەنی و چالاکترکردنی رۆڵی گەنجان لەناو ئەو رێکخراوانەدا دەرگا بەڕووی گەشەسەندنی وڵاتەکەمان لە بوارە جیاوازەکاندا دەکاتەوە".
تاڵەبانی دەشڵێت: "ئەمڕۆ لە کۆبوونەوەم لەگەڵ ژمارەیەک لە گەنجان و نوێنەرانی چەندین رێکخراوی کۆمەڵگای مەدەنی لە سنوری پارێزگای هەولێر گفتوگۆمان کرد لەبارەی چۆنییەتی بەهێزترکردنی رۆڵی رێکخراوەکان لە کۆمەڵگادا و پشتگیری تەواوی خۆم بۆ دووپات کردنەوە".
لە کۆبوونەوەکەدا جەختی لەوە کردەوە، "کە بەبێ کۆمەڵگەیەکی مەدەنی بە‌هێز و بەشداری زیاتری گەنجان لە پرسە جۆراوجۆرەکاندا گەشەسەندنێکی بەردەوام و راستەقینەی سیاسی و ئابوری و کۆمەڵایەتی بەدینایەت".
|