ئەمریکا پشت لە هەسەدە ناکات و بەردەوام دەبێت لە پشتگیریکردنیان
نها نیوز – هەواڵەکان
وەزیری دەرەوەی ئەمریکا رایگەیاند، لە هەوڵدان لەگەڵ ئەنقەرە بۆ ئەوەی هێرش نەکەسەر كوردەكان، هاوکات وڵاتەکەی پشتیوانیكردنی هێزەكانی سوریای دیموكراتیان دوپاتکردەوە.
ئەنتۆنی بلینكن، وەزیری دەرەوەی ئەمریكا لە کۆنگرەیەکی رۆژنامەوانیدا لە پاریس لەسەر هەڕەشەكانی توركیا بۆ ئەمجامدانی هێرش بۆسەر كوردەكانی سوریا ئاماژە بەوە دەکات "واشنتۆن لەگەڵ ئەنقەرە لە هەوڵدایە بۆ ئەوەی پرۆسەی سەربازی ئەنجامنەدات دژی كوردەكان.
بلینكن وتیشی "وڵاتەکەی بەردەوام دەبێت لە پشتیوانیکردنی هێزەکانی سوریای دیموکرات لە راپەڕاندنی ئەركەكانیان، هەڵگیرساندنی شەڕ لەبەرژەوەندی كەس نیە، لەهەوڵداین بۆ ئەوەی رێگەی لێبگرین".
ناوبراو جەختیشیکردەوە لەوەی، 10 هەزار دەستگیركراوی داعش لەژێر چاودێریی دۆستە کوردەکانمان دان.
|