سبەینێ هاوکاری هاوپەیمانان بۆ مانگی 12ـی وەزارەتی پێشمەرگە دابەشدەکرێت

نها نیوز – هەواڵەکان

بڕیارە سبەینێ چوارشەممە، هاوکاریی هاوپەیمانان بۆ مانگی 12 بەسەر ئەفسەر و پێشمەرگەکانی وەزارەتی پێشمەرگەدا دابەش بکرێت.

وازارەتی پێشمەرگە ڕایگەیاندووە، رۆژی چوارشەممە بەرواری 8ـی کانوونی دووەمی 2025، هاوکاریی دارایی هاوپەیمانان بۆ مانگی 12 بەسەر ئەفسەر و پێشمەرگەکانی سەر بە وەزارەت و لیواکانی پیادە دابەشدەکرێت.

ئاماژەی بەوەشکردووە، دوای ئەوەی هاوکاری هێزەکانی هاوپەیمانان بۆ هێزی پێشمەرگە خرایە سەر هەژماری وەزارەتی پێشمەرگە، بەڕێوەبەرایەتی گشتی بوودجە و بەرنامەکان(ژمێریاری سەربازی)، ڕێکارە دارایی و ژمێریارییەکانی ئەنجام داون، بۆ ئەم مەبەستە، ڕۆژی چوارشەممە 8ـی کانوونی دووەم 2025 هاوکاری هاوپەیمانان بۆ مانگی 12ـی 2024، دابەشدەکرێت.