هۆکاری سەردانەکەی مەسرور بارزانی بۆ لای ئەردۆغان ئاشکراکرا
نها نیوز - هەواڵەکان
ئەردۆغان پێشوازی لە مەسرور بارزانی سەرۆک وەزیرانی هەرێم دەكات و بەپێی ئاژانسێکی تورکیا، لە دیدارەکەدا باسی هەناردەكردنەوەی نەوت دەكرێت.
ئاژانسی (ئەنادۆڵ)ی توركیا بڵاویکردەوە، ئەمڕۆ سێشەممە رەجەب تەیب ئەردۆغان، سەرۆک كۆماری تورکیا پێشوازی لە مەسرور بارزانی سەرۆک وەزیرانی ھەرێمی کوردستان دەکات.
هاوکات بەپێی زانیارییەكان، چاوەڕوان دەکرێت لە سەردانەکەدا پەیوەندییەکانی ھەرێم و تورکیا، ھەناردەکردنی نەوتی ھەرێم و پرسە ناوچەییەکان تاوتوێ بکرێت.
پێشتریش لە 20ی حوزەیرانی 2024 مەسرور بارزانی سەرۆک وەزیران بە سەردانێکی فەرمی گەیشتە ئەنقەرە و لەگەڵ رەجەب تەیب ئەردۆغان، سەرۆک کۆماری تورکیا و وەزیری دەرەوەی ھاکان فیدان کۆبووەوە.
|