توركیا بڕیارێکی دیکەی دژی سلێمانی دەکرد

نها نیوز – هەواڵەکان

بەڕێوەبەری فڕۆكەخانەی سلێمانی رایگەیاند، توركیا قەدەغەی گەشتە ئاسمانییەكانی بۆ فڕۆكەخانەی نێودەوڵەتی سلێمانی تاوەكو شەش مانگی تر درێژكردەوە.

هەندرێن هیوا، بەڕێوەبەری فڕۆکەخانەی نێودەوڵەتیی سلێمانی بە میدیاکانی راگەیاند "بە ئیمەیڵ ئاگادارکراینەوە، کە تورکیا راگرتنی گەشتەکانی بۆ فڕۆکەخانەی نێودەوڵەتیی سلێمانی و بە پێچەواشەوە لە فڕۆکەخانەی سلێمانی بۆ فڕۆکەخانەکانی تورکیا بۆ شەش مانگی دیکە درێژکردەوە".

ناوبراو وتیشی "راگرتنی گەشتەكانی فڕۆكەخانەكەیان لەگەڵ توركیا تاوه‌كو 7ی 6ی 2025 درێژكراوەتەوە".

ئەوەش لەکاتێکدایە، توركیا لە 3ی نیسانی ساڵی 2023ـەوە ئەنجامدانی گەشتی ئاسمانی لەگەڵ فڕۆكەخانەی سلێمانی راگەیاند، ئەوەش بە پاساوی ئەوەی كە پەكەكە دزەیكردووەتە نێو فڕۆكەخانەكە و هەڕەشەی بۆسەر ئاسایشی گەشتە ئاسمانییەكان دروستكردووە.