سزای زیندانی ئۆجەلان لە دوورگەی ئیمرلی دەکشێنرێتەوە

نها نیوز – هەواڵەکان

سەرۆکی گشتیی پارتی ئایندە سەرەڕای ئەوەی کە پشتگیری لە گوتە و پەیامەکانی دەم پارتی دەکات بۆ دەستپێکردنەوەی دیدارەکان، ناوبراو ئاشکراشی دەکات، رەنگە سزای بەندکردن لە ماڵ بۆ ئۆجەلان بێتەئاراوە.

رۆژنامەى یەنیچاخ لە هەواڵیکدا بڵاویکردووەتەوە، ئەحمەد داودئۆغڵو رایگەیاندووە "رەنگە سزای زیندانیکردن لە ماڵ بۆ عەبدوڵا ئۆجەلان بێتەئاراوە و چیتر تەواوی ژیانی لە ئیمڕاڵی بەسەر نەبات.

ئۆغڵۆ راشیگەیاندووە "پاڵپشتی لە دەستپێشخەرییەکانی دەوڵەت باخچەلی دەکەن بۆ دەستپێکردنەوەى پڕۆسەیەکی نوێ بۆ برایەتی کورد و تورک، دەشڵێت، پشتگیری لە گوتە و پەیامەکانی هاوسەرۆکەکانی دەم پارتی بۆ دەستپێکردنەوەى دیدارەکان دەکات.

لە رۆژی 28ی مانگی رابردوو شاندی دەم پارتی سەردانی دورگەى ئیمراڵییان کرد و بۆ ماوەى سێ کاتژمێر چاویان بە عەبدوڵا ئۆجەلان کەوت و ئێستاش لەگەڵ لایەنە سیاسییەکانی تورکیا کۆبوونەوە دەکەن و دواتر ئەنجامەکانی کۆبوونەوەکان دەبەنەوە ئیمرالی.