ئەحمەد شەرع: کورد بەشێک دەبێت لە حکومەتی نوێی سووریا

نها نیوز - هەواڵەکان

فەرماندەی ئۆپەراسیۆنە سەربازییەکانی سووریا ئاشکرایکردووە، کورد بەشێکی سەرەکی دەبن لە بنیاتنانەوەی سووریای نوێ.

ئەمڕۆ یەکشەممە، 29 کانونی یەکەم، 2024،ئەحمەد شەرع، فەرماندەی ئۆپەراسیۆنە سەربازییەکانی سووریا ڕایگەیاند: "وەزارەتی بەرگری سووریا هێزە کوردییەکان دەهێنێتە ڕیزەکانی خۆی".

ئاماژەی بەوەشکرد: "کورد بەشێکی دانەبڕاوە لە پێکهاتەکانی سووریا".

جەختیشی لەوە کردووەتەوە کە "ناهێڵین سووریا ببێتە شوێنی هێرشەکانی پەکەکە".

دەشڵێت، "دابەشکردنی سووریا و فیدراڵی بە هیچ شێوەیەک ڕوونادات".

ئاماژەی بەوەشکردووە، بەشی ئۆپەراسیۆنە سەربازییەکان "لەگەڵ هێزەکانی سوریای دیموکرات دانوستان دەکات بۆ چارەسەرکردنی قەیرانەکانی باکوری ڕۆژهەڵاتی سووریا".