ئومێد خۆشناو هیوادارە ساڵی داهاتوو بەغدا شایستە داراییەكانی هەرێم بنێرێت
نها نیوز – هەواڵەکان
پارێزگاری هەولێر ئاشکرایکردووە، ئەوان مانگانە دوو بتڵ غاز دەدەن بە هاوڵاتیان و چاوەڕێشن بەغدا شایستە داراییەكانی هەرێم بنێرێت.
ئومێد خۆشناو، پارێزگاری هەولێر لە كۆنگرەیەكی رۆژنامەوانیدا رایگەیاندووە، ئومێدەوارن ساڵی داهاتوو ساڵی چارەسەرکردنی هەموو کێشەکانی نێوان هەولێر و بەغدا بێت و چیتر زوڵم لە هەرێم نەکرێت و شایستە داراییەكانی هەرێمی كوردستان بنێردرێت.
ئاماژەی بەوەشکردووە، ساڵانە گرفتی غاز سەرهەڵدەدات هەرچەندە ئەمساڵ ئەو گرفتە نەبووە، بەڵام بۆ بەرگرتن لەو گرفتە و رێكخستنەوە و دابەشكردنی غاز بەسەر هاوڵاتییاندا لە رێگای فۆڕمێكەوە مانگانە دوو بوتڵ غاز بە هاوڵاتییان دەدرێت كە بتوانرێت لە داهاتوودا پێدانی غاز بە سیستمی كۆبۆن یەكێك بێت لە بژاردەكان.
|