بەشەنەوتی کەرکووک زیادکرا

نها نیوز – هەواڵەکان
ئەندامێکی فراکسیۆنی یه‌كێتیی نیشتمانیی كوردستان لە ئەنجومەنی پارێزگای کەرکووک رایدەگەیەنێت، به‌شه‌ نه‌وتی سپی پارێزگای كه‌ركووك له‌ 10 تانكه‌ری رۆژانه‌ بۆ 25 تانكه‌ر زیادكرا.

د. ئەحمەد کەرکوکی، ئەندامی ئەنجومەنی پارێزگای کەرکوک بە وێبسایتی فەرمیی یەکێتیی نیشتمانیی کوردستانی راگه‌یاند "بەهۆی ئەوەی بەشی کەرکوک لە نەوتی سپی ڕۆژانە 10 تەنکەرەو بەشی هاووڵاتیان ناکات و زۆر جاریش قەرەباڵغی لە وێستگەکانی دابەشکردنی نەوت دروست دەبوو، ئەمڕۆ لەگەڵ بەڕێوەبەری کۆمپانیای دابەشکردنی بەرهەمەنەوتییەکان قسەم کرد و لەلایەن بەشی پڕۆسێسکردن لەبەغدا رەزامەندیی درا بەزیادکردنی بەشە نەوتی رۆژانە".

دەشڵێت "پێشتر کەرکوک 10 تانکەر نەوتی بۆ دەهات، بەڵام زیادکرا بۆ 25 تانکەر نەوتی رۆژانە و بەمەش تاڕادەیەکی زۆر قەرەباڵغی وەرگرتنی نەوت کەم دەبێتەوە".

بڕیارە لە چەند ڕۆژی داهاتوودا کۆمپانیای دابەشکردنی بەرهەمە نەوتییەکانی کەرکووك دەست بە دابەشکردنی نەوتی سپی بەسەر ماڵاندا بکاتەوە.