وادەی یەكەم دانیشتنی پەرلەمانی كوردستان دەستنیشان كرا

نها نیوز - هەواڵەکان

وتەبێژی سەرۆكایەتی هەرێمی كوردستان رایگەیاند، رۆژی 2ی كانوونی یەكەمی 2024 یەكەم كۆبوونەوەی پەرلەمانی كوردستان بەڕێوەدەچێت.

دڵشاد شەهاب، وتەبێژی سەرۆكایەتی هەرێمی کوردستان لە كۆنگرەیەكی رۆژنامەوانیدا وتی "دوای گفتوگۆ لەگەڵ لایەنە سیاسییە براوەكانی پەرلەمانی كوردستان نێچیرڤان بارزانی، سەرۆكی هەرێمی كوردستان مەرسومی هەرێمی بۆ یەكەم كۆبوونەوەی پەرلەمانی هەڵبژێردراوی كوردستان دەكرد".

ئاشکراشیکرد "بانگهێشت بۆ سەرجەم كاندیدە دەرچووەكان دەركراوە كە رۆژی 2ی كانوونی یەكەمی 2024، ئامادەبن بۆ گرێدانی یەكەم كۆبوونەوەی پەرلەمانی كوردستان".