وێنە: بە تەمەنترین ژن لە شنگالە و لەدایکبووی "1887"ـە

نها نیوز – هەواڵەکان

کاروانی سەرژمێری لەسەرەتاسەری عێراق بەهەرێمی کوردستانیشەوە ئەمشەو کاتژمێر 00:12 کارەکانیان تەواو دەبێت، لەسەرژمێریدا لە شنگال بەتەمەنترین ژن تۆمارکراوە کەلە دایکبووی 1887ـە.

میدیای کەرکوک ناو بڵاویکردووەتەوە، رەوشێ قاسم حسێن، بەپێی پیناسی باری شارستانی تەمەنی 137 ساڵە، وەكو "بە تەمەنترین" هاوڵاتی هەژماردەكرێت و لە کۆمەڵگەی دوگرێ لە باکوری قەزای شنگال بۆ سەرژمێری تۆمارکراوە.

هاوکات ئەو ژنە لە دایكبووی 1ـی تەمموزی 1887ـە، دووجار هاوسەرگیری كردووە، نزیكەی 10 ساڵ لەگەڵ نەوەكانیدا لە كەمپی ئاوارەكانی كەبەرتوی شاری دهۆك مایەوە و ئەمساڵ گەڕایەوە بۆ شنگال.

هەر بەپێی ئەو میدیایە، لە عێراق بەهۆی نەبونی سەرژمێرییەوە لەچەند دەیەی رابردوودا بە فەرمی بەتەمەنترین هاوڵاتی دیارینەكراوە.