وادەی ئەنجامی تانەکانی هەڵبژاردن ئاشکراکرا
نها نیوز - هەواڵەکان
هەفتەی داهاتوو ئەنجامی تانەکانی هەڵبژاردن بۆ ئەنجومەنی دادوەریی بەرز دەکرێتەوە، بەوتەی وتەبێژی کۆمسیۆنی عێراق، بۆ راگەیاندنی ئەنجامەکانیش 10 رۆژ دەخایەنێت.
جومانی غەلای، وتەبێژى کۆمسیۆنى باڵای سەربەخۆی هەڵبژاردنەکانى عێراق سەبارەت بە راگەیاندی ئەنجامی تانەکان بە میدیاکانی وت "کۆمسیۆن لیژنەیەکى پێکهێناوە و ناوەڕاستى هەفتەى داهاتوو تانەکان بۆ دەستەى دادوەریی بەرز دەکەنەوە".
غەلاری ئاشکراشیکرد "دەستەى دادوەریی پێویستى بە 10 رۆژ کارکردن هەیە بۆ یەکلاکردنەوەى تانەکان و دواتر ئەنجومەنى کۆمسیاران ئەنجامى هەڵبژاردنەکان پەسەند دەکات".
|