عێراق بێتاوانی پەکەکە لە سوتاندنی بازارەکانی هەولێر و کەرکوک راگەیاند

نها نیوز - هەواڵەکان

لەنوسراوێکدا دادگایەکی بەغدا سێ تۆمەتبار ئازاد دەکات کە پێشتر تاوانبارکرابوون بەتۆمەتی سوتاندنی بازاڕەکانی هەولێر و کەرکوک ئەندابوونیان لە پەکەکە.

بەپێی نوسراوێكی دادگای تێھەڵچوونەوەی بەغدا/ رەسافە دادگای تاوانەكان، بڕیاریداوە بە ئازادكردنی ئەو سێ تۆمەتبارەی کە پێشتر بەتاوانی سوتاندنی بازارەکانی هەولێر و کەرکوک تۆمەتبار کرابوون، ئەوەیش بەهۆی نەبوونی بەڵگەی پێویست لەسەریان.

ئەوەش هاتووە "سەرجەم ئەو کەلوپەل و ئۆتۆمبێلانەش بۆ تۆمەتباران دەگەڕێندرێتەوە کە پێشتر لەکاتی دەستگیرکردنیان فەرمانی دەستبەسەرداگرتنیان بۆ دەرکرابوو".