بافڵ تاڵەبانی داوایەک لە ترەمپ دەکات

نها نیوز – هەواڵەکان
سەرۆکی یەکێتیی نیشتمانیی کوردستان پیرۆزبایی ئاراستەی دۆناڵد ترەمپ دەکات بەهۆی سەرکەوتنی لە هەڵبژاردنی سەرۆکایەتیی ئەمریکا و راشیدەگەیەنێت "ئێمە چاوەڕێی بەردەوامبوون و بەهێزکردنی هاوبەشیەکانمان دەکەین".

بافڵ تاڵەبانی، سەرۆکی یەکێتیی نیشتمانیی کوردستان لە پەیامەکەیدا نوسیویەتی "پیرۆزبایی لە دۆناڵد ترەمپ دەکەین بۆ دووبارە هەڵبژاردنی مێژووی".

دەشڵێت "هەرێمی کوردستان و ئەمریکا پەیوەندییەکی بەهێزیان هەیە کە لە بەها هاوبەشەکانی پابەندبوون بە سەقامگیری و ئاشتی لە جیهاندا سەرچاوەی گرتووە".

بافڵ تاڵەبانی داوایەکیش لە ترەمپ دەکات و دەڵێت "ئێمە چاوەڕێی بەردەوامبوون و بەهێزکردنی هاوبەشیەکانمان دەکەین بۆ بەرەوپێشبردنی ئاسایش و خۆشگوزەرانی".