نها نیوز – هەواڵەکان
بەڕێوەبەرایەتی کارەبای سلێمانی رایدەگەیەنێت، نرخی ئەمپێرێک کارەبای موەلیدە بۆ مانگی تشرینی یەکەم/10، لە نێوان (7000) بۆ (8000) دیناره.
بەڕێوەبەرایەتی کارەبای سلێمانی لە راگەیەندراوێکدا دەڵێت "ئه‌مڕۆ دووشە‌ممه 4/11/2024 لیژنەی دیاریكردنی نرخی موه‌لیده ئه‌هلییه‌كان کۆبووەوە و به‌پێی نرخی سوته‌مه‌نی له بازاڕه‌كاندا نرخی هه‌ر كاتژمێرێك کارەبای موەلیدە بۆ یه‌ك ئه‌مپێر (43) دینارە، به‌مه‌ش نرخی یه‌ك ئه‌مپێر كاره‌بای موه‌لیده‌ی ئه‌هلی گه‌ڕه‌كه‌كان له ناوشاری سلێمانی له‌نێوان (7000) بۆ (8000) دیناره".
کارەبای سلێمانی ئاماژە بەوەش دەدات "بەو پێیەى موەلیدەکان لە نێوان (165 بۆ 185) کاتژمێر کاریان کردووە، به‌هۆی جیاوازی كارکردنیان نرخی ئه‌مپێرێك له گه‌ڕه‌كێك بۆ گه‌ڕه‌كێكی دیكه جیاواز ده‌بێت".
بەپێی راگەیەندراوەکە، خشته‌ی كارپێكردنی موه‌لیده بۆ مانگى 10 بەمشێوەیە دەبێت:
- رۆژانە لە کاتژمێر 12:00ی نیوەڕۆ تا 1ی شەو کاردەکەن.
- کاتژمێر 1ی شەو دەکوژێتەوە تا 6:30ی بەیانی.
- کاتژمێر6:30ی بەیانی تا 08:00ی بەیانی کاردەکەن.
- کاتژمێر 08:00ی بەیانی تا 12ی نیوەڕۆ کارناکەن.
بەڕێوەبەرایەتییەکە دەڵێت "رۆژانی هەینی و شەممە بەیانیان کارناکەن، لەبری بەیانی کاتژمێر 11:00ی پێشنیوەڕۆ کاردەکەن".
کارەبای سلێمانی باسی لەوەش کردووە "له‌كاتی كوژاندنه‌وه‌ی كاره‌بای نیشتیمانی نابێت كارپێكردنی موه‌لیده و پێدانی كاره‌با به‌هاوڵاتیان له (5) خوله‌ك زیاتر بخایه‌نێت، به‌پێچه‌وانه‌وه خاوه‌ن موه‌لیده‌كه سزاده‌درێت".