نها نیوز - راپۆرت
پارتی هێشتا شۆكی دانانی پارێزگاری كەركوك بەری نەداوە و لەگەڵ راكان جبووری، لە 16ی ئۆكتۆبەری ئەمساڵ بەنیازی پیلان و كەتنێكن دژی كەركوكییەكان و سكاڵایەكیان تۆمار كردووە داوای دورخستنەوەی رێبوار تەها پارێزگاری كەركوك دەكەن.
دانیشتنەكە لە 16ی ئۆكتۆبەری ئەمساڵ بەڕێوەدەچێت و پارتی و راكان جبووری پێكەوە بەنیازی خیانەتێكی ترن هاوشێوەی ئەوەی لە 2017روویدا، ئەمجارە لەداواكەیان داوا دەكەن پارێزگار لەپۆستەكەی لاببرێت.
لەدوای ریفراندۆم و رووداوەكانی 16ی ئۆكتۆبەرەوە پارتی بەردەوام گرفتی بۆ كەركوكییەكان دروستكردووە لەگەڕانەوەی ئەندامانی ئەنجومەن بگرە تا دانەنانی پارێزگارێكی كورد بۆشارەكە و راكان جبووری قوتكردەوە تا ئەو پۆستە نەدرێتە یەكێتی، لەولاشەوە هەمیشە ئیدیعای ئەوەی دەكرد، كەركوك داگیركراوە و پارێزگارەكەی سەپێندراوە، بۆیە ناگەڕێتەوە شارەكە.
كەچی دوای دانانی رێبوار تەها بەپارێزگاری شارەكە ئێستا رێگە نەماوە نەیگرێتەبەر لەگەڵ پارێزگارە سەپێندراوەكەی پێشوو تاوەكو ئەم پارێزگارە كوردە كەبووەتە ئومێدی هاوڵاتییانی شارەكە لەوپۆستە دووربخاتەوە.
لەنوێترین پیلانی ئەو حزبە بەپێی بەڵگەنامەیەك كە دەستی من كەوتووە، حەسەن مەجید رەشید و شۆخان حەسیب ،ئەندامانی ئەنجومەنی پارێزگای كەركوك لەلیستی پارتی سكاڵایەكیان بەژمارە 4828/ق/2024 لەدادگای كارگێڕی ئیداری لەبەغدا تۆماركردووە و داوای دوورخستنەوەی پارێزگاری كەركوك دەكات.
لە سكاڵاكەیاندا دەڵێن، دانیشتنی رۆژی 10/8/2024ی هۆتێل رەشید كە تیایدا پارێزگار و سەرۆكی ئەنجومەن و جێگری پارێزگا هەڵبژێردران نایاسایی بووە و پێچەوانەی ماددەی 7ی یاسای ژمارە 21ی ساڵی 2008ی ئەنجومەنی پارێزگاكانە.
هەروەها لەسكاڵاكەی ئەو ئەندامانەی پارتی لە ئەنجومەنی پارێزگای كەركوك، هاتووە هەڵبژاردنی پارێزگار و جێگەرەكەی بەبێ ئاگاداركردنەوەی ئەندامەكان پێچەوانەی ماددەكانی 7،26،27ی پارێزگاكانە.
تەعنەكانی ماددەكانی 26و 27 تایبە مەرسومییە كۆمارییەكەی سەرۆك كۆمار و لەرێگەی ئەو سكاڵایەوە دەیانەوێت ئەو دادگایە بڕیارەكانی دانیشتنی ئەنجومەنی پارێزگا لە هۆتێل رەشید هەڵبوەشێنێتەوە، بۆیە ئەو ئەندامانە دەڵێن وەكو پارتی دیموكراتی كوردستان داوا لە دادگاكەتان دەكەین سەرلەبەری بڕیار و مەحزەرەكانی كۆبوونەوەی هۆتێل رەشید هەڵبوەشێنرێتەوە.
دانیشتنەكە بڕیارە 16ی ئەم مانگە كاتژمێر نۆی بەیانی ئەنجام بدرێت، و پارتی خیانەتێكی تر هاوشێوەی ئەوەی پێشوو بەسەر كەركوك دووبارە بكاتەوە لەگەڵ راكان جبووری دۆستی لەمێژینەی، بەڵام ئەمجارەش دۆڕانێكی تری ئەوحزبە لەو رۆژەدا چاوەڕێیان دەكات.
ئامادەكردنی/ ئاوات خەیروڵڵا