چارەنووسی مووچەی مانگەکانی 11 و 12 یەکلایی دەکرێتەوە
نهانیوز-هەواڵەکان
شاندێکی هەرێم بەمەبەستی بەدواداچوون و یکلایی کردنەوەی چارەنووسی مووچەی مانگەکانی 11 و 12 سەردانی بەغداد دەکەن.
چوارشەممە 19ی تشرینی دوەم میدیای پارتی بلاویکردەوە کە هەفتەی داهاتوو شاندێکی باڵای حکومەتی هەرێم بۆ یەکلاکردنەوەی ئەم پرسە دەچێتە بەغدا، ئەمەش دوای کۆبوونەوەی نێوان سەرۆکوەزیرانی هەرێمی کوردستان و سەرۆکوەزیرانی عێراق دێت.
بەپێی زانیارییەکانی میدیاکە گرفتێکی دارایی لە نێوان هەولێر و بەغدا دروست بووە کە بووەتە هەڕەشە لەسەر دابەشکردنی مووچەی دوو مانگی کۆتایی ئەمساڵ.
حکومەتی عێراق دەڵێت، حکومەتی هەرێمی کوردستان لە بودجەی 2024ـدا، پشکی خۆی بە زیادەوە وەرگرتووە و بۆ ئەو دوو مانگە پارەی پێویستی لە بەشە بودجەدا نەماوە.
ئەوەش لە کاتێکدایە کە رۆژی رابردوو محەمەد شیاع سودانی سەرۆک وەزیرانی عێراق رایگەیاند کە مووچەی مووچەخۆرانی هەرێم بەپیی ڕێکەوتنەکان دابەش دەکرێت.
|