لەبارەی مووچەی مانگی 8 زانیاری نوێ گەیشت
نها نیوز – هەواڵەکان
بە پێی زانیارییەکان بەغدا وردبینی لیستی مووچەی مانگی9 ی تەواو کردوە و بۆ مووچەی مانگی هەشتیش، سبەینێ ڕاپۆرتی میزان موراجەعەی، تەواوی خەرجی و داهاتەکانی حکومەتی هەرێم شەفافانە بۆ بەغدا دەنێردرێت.
سەرچاوەیەک لە وەزارەتی دارایی هەرێم لەبارەی مووچەی مانگی9 رایگەیاند، وردبینیکردن لە لیستی مووچەی مانگی 9 لە بەغدا تەواو بووەو لیستەکە بێ کێشە بووە، لەبارەی مووچەی مانگی 8 زانیاری نوێی ئاشکرا کر د و وتی "سبەی یەکشەممە ڕاپۆرتی میزان موراجەعەی، تەواوی خەرجی و داهاتەکانی حکومەت شەفافانە بۆ بەغدا دەنێردرێت.
سەرچاوەکە وتیشی، تەواو کردنی وردبینی کردن هەنگاوی یەکەم بووە و هەنگاوی دووەم ناردنی میزان موراجەعەی مانگی هەشتە لە لایەن هەرێمەوە ئەو هەنگاوەش سبەی یەکشەممە دەنرێت و ڕاپۆرتی میزان موراجەعەی، تەواوی خەرجی و داهاتەکانی حکومەت شەفافانە بۆ بەغدا دەنێردرێت.
بە پێی زانیارییەکان هەرێم دەبێت ناردنی 120 ملیارەکەی داهاتی نانەوتی بۆ بەغدا رەوانە بکات، بۆ ئەوەش وەزارەتی دارایی و ئابووریی هەێم بەچڕی دەستی بە کۆکردنەوەی داهات کردووە، هەفتەی داهاتوو تەواوی پارەکە ئامادە دەکرێت.
دوای هەناردەکردنەوەی نەوتی کوردستان، هەوڵەکان بەو ئاراستەیەن کە مووچەی فەرمانبەرانی کوردستان بێ دواکەوتن خەرج بکرێن و ئەمساڵ هیچ مووچەیەک نەفەوتێت.
|