نها نیوز – هەواڵەکان
سەرۆکی فراکسیۆنی یەکێتیی لە پەرلەمانی عێراق، لە بارەی هاتنی مووچەی مانگی6 رایگەیاند، هەواڵەکان دڵخۆشکەرن وبریارە سبەی بەغدا 950 ملیار دینار وەکو مووچەی مانگی 6 بۆ هەرێم بنێرێت. وتیشی "هەتا راپۆرتی لیژنەکان تەواو بێت، زووترکێشەی مووچە چارەسەر دەبێت" .
هەرێم کەمال ئاغا سەرۆکی فراکسیۆنی یەکێتیی لە پەرلەمانی عێراق لە لێدوانێکی تایبەت دا بۆ نهانیوزی رایگەیاند، لە دوا کۆبوونەوەی ئەنجومەنی وەزایراندا بریار لە ناردنی مووچەی مانگی 6 درا و هەروەها بریار درا، پەلەش بکرێت لە هەردوو راپۆرتی لێژنەی دارایی بۆ داهاتی لێژنەی نەوتی ونانەوتی.
دەشڵێت، هەواڵەکان لەبارەی مووچە دڵخۆشکەرن و راشیگەیاند، چاوەروان دەکرێت سبەی بەغدا بری950 ملیار دینار بۆ مووچەی مانگی 6 رەوانەی هەرێم بکات، دەشڵێت ئەگەر سبەی رێکارەکان تەواو نەکرێت بە دڵنیاییەوە لەم هەفتەیەدا مووچە رەوانە دەکرێت.
" هەتا زووتر پەلە بکرێت لە ئامادە کردنی راپۆرتی لیژنەکان، زووتر کێشەی مووچە چارەسەر دەبێت "هەرێم کەمال ئاغا وای وت.
رۆژى 26ى ئەم مانگە، ئەنجوومەنی وەزیرانی عێراق، بە مەرجی ناردنی 120 ملیار دینار داهاتی نانەوتی، بڕیاری خەرجکردنی مووچەی مانگی شەشی دا و لیژنەیەکی یاساییشی بۆ چارەسەرکردنی ناکۆکییە یاساییەکانی پەیوەست بە داهاتی نانەوتی پێکهێنا.
له‌ماوه‌ی زیاتر لە 100 رۆژی رابردوودا حكومه‌تی هه‌رێمی كوردستان ته‌نها یه‌ك مووچه‌ی بۆ مووچه‌خۆرانی خه‌رجكردوه، له‌كاتێكدا مووچه‌خۆرانی هه‌رێم سێ مووچه‌ی ئه‌مساڵیان لای حكومه‌ته.