تەیف سامی بەنوسراوێک رێککەوتنی هەرێم و بەغدا دەباتە ئەنجومەنی وەزیران
نها نیو - هەواڵەکان
ئەمڕۆ لە كۆبوونەوەی ئەنجومەنی وەزیرانی عێراق بەپێی وتەی ئەندامێکی پەرلەمانی عێراق؛ بۆ پرسی مووچە تەیف سامی ئەنجامی کۆبوونەوەی هەردوو شاندەکە بە نوسراوێک لە ئەنجومەنی وەزیران باسبکات، بەالام تاوەکو ئێستا رێککەوتن لەسەر داهاتی نانەوتی نەکراوە.
ماڵپەڕی فەرمی پارتی دەڵێت "لە كارنامەی كۆبوونەوەی ئەمڕۆی ئەنجومەنی وەزیرانی عێراق، گفتوگۆ و کۆنوسەکانی لیژنەکانی هەردوو حكومەتی هەرێمی كوردستان و عێراق دەربارەی پرسی مووچە و داهات و هەناردەی نەوت، تاوتوێ دەکرێن".
هاوکات سەرچاوەیەکیش لە وەزارەتی دارایی حکومەتی کاربەڕێکەر بەهەمان ماڵپەڕ رادەگەیەنێت "ڕاستە لەسەر داهاتی نانەوتی نەگەیشتووینەتە ڕێککەوتن، بەڵام لە ئەنجومەنی وەزیران بڕیار دەدرێت و ڕاپۆرتەکەش نوسراوە و پێشنیازەکان بەتایبەت ئەوانەی خاڵی جیاوزن، لە ئەنجومەنی وەزیران بڕیاریان لێ دەدرێت".
لایخۆشیەوە، شێروان دووبەردانی، پەرلەمانتاری پارتی لە عێراق وتی "تاوەكو ئێستا رێككەوتن لەسەر داهاتی نانه‌وتیی نەكراوە، چونكە بەغدا بە عەقڵیەتی مەركەزی بیر دەكاتەوە و دەیەوێت داهاتەكان هەمووی بۆ خۆی بێت، ئەوەش پێچەوانەی بنەمای فیدراڵییە".
دەشڵێت "شاندی حكومه‌تی هه‌رێمی كوردستان هه‌ر له به‌غدان، بۆ ئەوەی خاڵی ناكۆك لەسەر داهاتی نانه‌وتی لەگەڵ دارایی فیدراڵ رێككەوتنی لەسەر بكرێت".
دووبه‌ردانی ئاشكراشیكرد "ده‌بێت ته‌یف سامی ئه‌نجامی كۆبوونه‌وه‌كانی ئه‌م دوو رۆژه‌ی شاندەكان به نوسراوێك بباته كۆبوونه‌وه‌ی ئه‌نجومه‌نی وه‌زیران، تاوەكو گفتوگۆی له‌باره‌وه بكرێت، ئێمە چاوەڕوانی ئەنجامی ئەو كۆبوونەوەیە دەكەین".
"ئەگەر كەشەكە ئەرێنی بێت، دەكرێت مووچە خەرج بكرێت، ئەوە نزیكەی سێ مانگە فەرمانبەرانی هەرێمی كوردستان چاوەڕوانی مووچە و شایستەی خۆیانن و بەغدا بە بیانووی نادەستووری دوای دەخات". ئەندامەکەی پەرلەمانی عێراق وای وت
|