نوێترین زانیاری لەبارەی مووچەی مووچەخۆرانی هەرێمەوە راگەیێندرا

نهانیوز-هەواڵەکان

بە وتەی وەزیری دادی عێراق کێشەی مووچەی مووچەخۆرانی هەرێم بەتەواوەتی چارەسەر کراوە.

خالید شوانی وەزیری دادی عێراق کە لە پشكی یه‌كێتی-یە، بەیانی ئەمڕۆ دووشەممە له‌ كۆنگره‌یه‌كی ڕۆژنامه‌وانیدا له‌ شاری كه‌ركوك ڕایگه‌یاند" کێشەی مووچەی فەرمانبەران بە بنەڕەتی چارەسەر کراوە و هیچ کێشەیەکی سیاسی و یاسایی نییە و هیوادارم چارەسەربکرێت". 

جەختیشیکردەوە، موچەی فەرمانبەران کێشەی تەکنیکییە و نابێت بە سیاسی بکرێت. 

وەزیری دادی عێراق دەشڵێت" پێویستە ئەو کێشە ئیداری و تەکنیکیانە چارەسەر بکەین و هەرێمی کوردستان خۆی لەگەڵ ڕێنماییەکانی حكومەتی عێراق بگونجێنێت و هیچ کێشەیەک نەبێت بۆ ئەوەی مووچە دوانەکەوێت". 

خالید شوانی ڕاشیگەیاند" ئه‌و كێشانه‌ی بۆ مووچه‌ دروست ده‌بێت، هونه‌رین نه‌ك سیاسی، په‌یوه‌ندی به‌خۆگونجاندن‌ و خۆڕێكخستنه‌وه‌ی هه‌رێمه‌وه‌ هه‌یه‌ له‌گه‌ڵ ئه‌و بنه‌ما و ڕێنماییانه‌ی كه‌ له‌ حكومه‌تی عێراق كاریان پێده‌كرێت".