تەیف سامی و شاندەکەی هەرێم لەسەر مووچە نەگەیشتنە رێککەوتن
نها نیوز - هەواڵەکان
کۆبوونەوەى نێوان شاندى هەرێمى کوردستان و تەیف سامى، وەزیرى دارایى عێراق کۆتایى هات، بەگوێرەی سەرچاوەیەکیش لە شاندەکەى هەرێم، لە کۆبوونەوەکەدا بڕیارى ناردنى مووچە نەدراوە.
ئەمڕۆ شاندێکی حکومەتی هەرێمی کوردستان چووە بەغدا و لەگەڵ تەیف سامی کۆبوونەوە، کۆبوونەوەکە بۆ چارەسەرکردنى ئەو کێشانە بوو لە لیستى مووچەدا ماون و بوونەتە بەربەست لەبەردەم ناردنى مووچەى هەرێمى کوردستان، سەرچاوەیەک کە لە کۆبوونەوەکەدا بەشداربووە بە میدیاکانی وت "لێکتێگەیشتنی زۆر باش هەبوو لەنێوان شاندی حکومەتی هەرێمی کوردستان و بەغدا".
بەوتەی سەرچاوەکە "کۆبوونەوەکە تایبەت بوو بە لیستی مووچەی مانگی دوو و کێشەی هاوتاکردنی مووچەی خانەنشینان".
ئاماژەی بەوەشدراوە، سبەی کۆبوونەوەی دووەم دەکرێت، ئەگەر سبەی لە کۆبوونەوەی دووەم گەیشتنە ئەنجام، بە ئەگەرێکی زۆرەوە هەر سبەی مووچەی مانگی دوو دەنێردرێت.
|